|
" اسكزوزمي.......آي وينت 2 همبرغر روح برة"
الأتيكيت واستخدام اساليب كلامية لجذب الأنتباه صار بوقتنا الحالي الشغل الشاغل
وخاصة للبنات واستغربت اكثر يوم كنت اتصفح بغوغل لقيت وحدة ضايفة
موضوع تقول فيه اللي عندها كلمة انجليزية تعرفها وتنفع للأتيكيت تدخل تقولها عشان
نتطور للأفضل ليييييه؟؟
احد قال ان التطور ومواكبة العصر هي انك تقولين كلمتين عربي و10 كلمات انجليزي
هل التطور هوتداخل لغات او استخدام كلمات اجنبية  حتى ان البعض ينطقهاغلط
وبدلا ماترزين نفسك تصيرين مطنزة للغير ...اذكر مرة كنت اطلب عشا وجت وحدة اللي
يشوف مشيتها ورزتها تقول يارض هدي ماعليك قدي وذيك الكشخة والزبركة يوم
جت تطلب من الكاشيير ودك تقولها يازينك ساكتة <اسكزوزمي ... اي وينت اثنين
همبرغر روح برة > ويوم سمعت هالكلمتين وهات ياضحك وتريقة "اسكزوزمي "...
هذي من وين جابتها مدري؟و برة في شي اسمه "تيك اواي" ياإتيكيت قيرل ...
فنصيحتي لكل بنت تبي تترزز تتعلم اللغة الأنجليزية صح ولا..لا تتكلم احسن الله
يخلي المعاهد والكتب والنت مو مقصراغلب المنتديات فيها اقسام انجليزية واذا جيتي
تتكلمين حاولي انك ياتتكلمين عربي بحت اوانجليزي بحت لان فن الأتيكيت الصحيح
وفن المحادثة يحذر من الخلط بين اللغات وهذا يطبق عالميا لانك لما تتكلمين عربي
وفجأة تجيبين كلمة انجليزية هذا يشتت اللي معاك  وماراح يركز بكلامك خاصة اذا
ماكان يعرف معناها بيقعد يفكر فيها متناسي اللي تقولينه مثلا بنات ايش رايكم
أخذ الفستان الأزرق ولا الـ pink...محتارة صراحة لان عندي شنطة لونها اخضر مع
ازرق وعندي shoes تجمع كل هالالوان ........."
بتجلس اللي معاك تفكر وشو pink وشو shoes ولاهمها انتي اش بتختارين تبي تعرف
انتي اي لغة تتكلمين ؟؟
ونصيحة أخوية لا للأتيكيت بالكلام ولا بالتخاطب مع الغير...علما ان معنى الإتيكيت هو
فن الفضائل ومحاسن الأخلاق ويشمل ايضا فن البروتوكول او كيفية التعامل فى المناسبات
و يعتمد على طريقة التحدث برقي وآدب وعدم رفع واستخدام الايدي عند التحدث وكيفية النظر
الى عين المستمع وعدم استخدام الفم بشكل خاطىء وعدم رفع الصوت والجلوس السليم
ووووو...... !! كلها اشياء ذكرت بسنتنا النبوية وكان رسولنا الكريم يتحلى فيها
للرقي والأدب ولتبادل الأحترام مع الغير و ليس بدس كلمات اجنبية فى الحوار !!
ودمتم بود
تناهيد
|