متضايقة؟..ادخلي اقري هالموضوع وشوفي ايش يصير لك

عالية المقام · 12-24-2007, 04:57 PM

السلام عليكم.......أنا قريت هذا الموضوع في منتدى ثاني أعجبني مرة أحسه يريح الواحد وللأمانة هو منقوووووول

((لاتنســوني من دعواتكم...

لان هالبرنامج مني انا وانا لامسته بعيوني وشفت كيف الخير فيه..

بخصوص البرنامج باعطيك اسـس ترتكزين عليها وتخلينها اساس بحياتكـ.. ماتتخلين عنها ابدآ..

1/الصــــــــــدقه.. تصدقي كثير
ترا الدعوات تستجيب اذا جيتي تتصدقين ياعمري..

اقولك شلون::
خلي عندك صندوق صغير(وكل يوم كل ماتضايقتي تصدقي لو بريال)ونهايه كل شهر او شهرين او ثلاث (جمعيهم بظرف)وعطيهم اخوك يوديهم لاي جمعيه او اي مصلى ..
بتشــــوفين كيف الخير الكثيــــــر

ربي ينصرك وياخذ حقك ويحقق امانيك..>> عن تجربه شخصيه مني ترا

ثانيآ:: الاستغـــــــفاااااار استغفري كثير بنيه شيء تبينه الين يتعود لساانك انه يستغفر كثير...

ثالثآ:: نامي ياقلبي.. وانتي قلبك ابيض صافي مش شايله على اي احد ولا حتى لو ذره كره او حقد او انتقام او عتاب ابد ابد..
فوضي امرك الى الله فأنه بصير بالعباد..

رابعآ:: كرري دومآ قول لا اله الا انت سبحــــــانك اني كنت من الظالمين...

سادسآ:: كوني باره بامك وابوك وشيلهم شيل وحطيهم بعيونك واغليهم ترا دعواتهم تسعدك وتغير نصيبك للافضل
قولي لامــك ادعــــــــــــــــــــي لي يا امي ترا دعواتتك تستجاب
اعرف بنات.. متوفقين بحياتهم بشكل!!!! وكله من دعوات اماتهم.. كل يوم كل لحظه بري بامك وابوك خلي امك تدعي قولي لها ادعي لي يا ماما
ترا احيانآ يجهلون قيمه ان الامهات دعوتهم لابنائهم تغير حظهم ونصيبهم يا اللاسوأ اذا دعو عليهم او للافضل اذا دعوو لهم

اقري سورة البقرة بإستمرار..

واهم من هذا كلــه..
الثقـــــــــــــــــــه برب العالمين
ثقي فيه ثقه تااااااامه
ادعي ربك فهو يستحي ان يردك صفرآ..

كافر دعى ربه ثلاث مرات وكل مره كانت الملائكه ترده
الله سبحانه مارضاها للكافر كيف ترد عبدي وقال لبيك لبيك لبيك ثلاثآ
وهذا للكافر.!

فكيف انتي المؤمنه التقيه النقيه
الله عند حسن ظن عبده به فليظن به مايشاء

اذا ظنتيني بربي سوء لك ماظنيتي به
اذا ظنيتي خير لك الخير كله
ادعي ادعي ادعي

عيشـــــــــــــي حيااتك تراالدنيا ماتسوووى وقصيرة
انتي زعلانه على ماضي.!!
خلاص انسيه عيشي حدود يومك عشان تعيشين اجمل سنين عمرك..
احمـــــــــدي ربك
عندك مواصفات ماهي عند اي وحده
مليون الف الف وحده تتمناها

ترا كل وحده فينا عندها ميزه ماهي عند غيرها

اقســــــــم لكم يابنات ان الجمال ماهو كل شيء...

مثال:: من واقع حياتي..

وحده ملكه جمال:: يوم جت تحكي صوتها عالي واخلاقها زفت ونففسها عند طرف خشمها
وحده عاديه ومتوسطه الجمال:: صوتها هادي واخلاقها عاليه ونفسها طيبه

سبحان الله كيف احلوت الثاني بنظر الجميع والملكه الجمال طااحت من عيون الجميع وماصار لها اي صيت او اي معنى.!

عيشي حياتك انبسطي اطعلي روحي وتعالي وثقي بربي واقنعي نفسك ااانك بتعيشين اجمل سنين عمرك عشان حياتك وسعاادتك انتي الي تبنينها وعلى اساسها يكون هو بيتك ودنيتك..

اضحكي من اعمااق قلبك
لاتستلمين للحزن ابد

انبسطي
اعلمي ان الدنيا ماتسوى عند ربي جناح بعوضــه

والله يسعد قلبوكم يارب))

ادعولي ولصاحبة الموضوع بارك الله فيها

ساري2002 · 12-24-2007, 05:10 PM

الاخت عالية المقام
يعني أحنا الشباب لا كلامك موجه للبنوتات بس
يالله عموما أنا نويت أعمل بكلامك لكن متأكد
في ضل هذا الزمن اللي يضيق الصدر ابصير في نصف الشهر مفلس والراتب يخلص
لكن الحمد لله راح لوجه الله صدقة
موضوع جدا ً رائع ونصائح مفيدة الله يطرح فيها الخير
والبركة
ومشكور أوخيتي على جمال النقل وحسن الاختيار
وأسأل الله القدير لك بالخير الوفير ومتعك بالصحة والعافية
دمتي بخير رعاك الله

بنت حائل · 12-24-2007, 10:43 PM

جزاك الله خير يالغلا

موضوع قيم

يستاهل التثبيت

بنت حائل

عالية المقام · 12-25-2007, 02:03 AM

ساري2002
مشكور أخوي على مرورك والكلام يقدرون ينفذونه الشباب لكن هو مكتوب للبنات لأن البنات مثل ما تعرف حساسات شوي ويتضايقون من أي شيء عشان كذا كاتبة الموضوع كتبته للبنات.......وشاكره لك ردك

عالية المقام · 12-25-2007, 02:10 AM

بنت حائل
الله يعطيك العافية أختي و يسلمو على مرورك و ردك و مشكووورة على تثبيتك للموضوع وإن شاء الله اي وحدة متضايقة ((أو متضايق )) تخفّ ضيقتهم بعد قرائتهم للموضوع......دمتِ بود

مدمنه بيبسي · 12-25-2007, 02:20 AM

جعله الله في موازين حسناتك

عاليه المقام

جاري التنفيذ.....

خودافس

				جميع الحقوق محفوظة لمنتديات المنطقة الشرقية