|
رد: سلطان زمانه <<روعة لا تفوتكم
أم أحمد "يالله أول ماشفتكم أقول إلى هم بعدين أقول لا مو هم بعدين يوم أسلم على سلوى
سألتها وقالت لي أنه أنتون هني
أم علي :إلى شخبارش وشخبار خواتش ونسوان أخوانش وأمش زينين
أم أحمد :أي الحمد لله بخير مانشكي غير فراقكم وفراق الغالية
تنهدت أم علي :الله يرحمها أتصدقي ودي أجي من زمان بس تدري مانلحق انجي الا نرجع
أم أحمد :أي أسمع أمي تقول أنكم تنزلوا كل شهر مرة تسمع من أمش
أم علي :أي تدري شغل أبو علي مايسمح انطول في القعدة ولأنه بعد أولادي الصغار عليهم مدارس
أم أحمد :المهم أنه شفناكم
أم علي :تسلمي والله
:إلى شخبار الجماعة زينين ؟؟
أم علي :والله كلهم بخير يا أم سلطان منهم من أنتقل ومنهم إلي بعدهم زي ماتركتوهم
أم سلطان :ههههههه إلى منهو إلي أنتقل
أم أحمد :أمل وأخوها أحمد
أم سلطان بتشكك وهي تناظر أم علي :أي أمل
أم أحمد :أمل توأم المرحومة مريم
أم سلطان :أهاااا .ماشاء الله عليها يوم نتركها كان عندها 6 عيال 4بنات و2 أولاد أكيد الحين كبروا
أم أحمد بابتسامة :أيه ماشاء الله والحين صار عندها 8بنات و3 أولاد
أم علي :ماشاء الله الله يحفظهم
أم أحمد :ليه أنتوا ماحظرتوا عرس بنتها مريم
أم سلطان :أيه .لا ماحظرنا إلي حظرت أمي
أم أحمد :ماشاء الله عليها بناتها الحين كبار وإلا الجمال إلي عليهم بسم الله ماشاء الله
أم سلطان :وشتبغي بعد إذا أمهم جميلة وأبوهم جميل أكيد بيطلعوا فلقة قمر
أم أحمد : وأنتي الصادقة .إلى أنتوا ماسلمتوا عليها
أم علي وأم سلطان باستغراب :متى
أم أحمد :الحين
أم علي باستغراب :ليش هي هني
أم أحمد :أكيد كان تبغي سلمى تزعل عليهم لأنه يصير إلي بيعرس ولد خالتها ومو بس كده حتى
خواته وأمه لأنه تدري من وحنا صغار وهم سمنا على عسل
أم سلطان :إيه صح الى وينهم أقصدها هي وخواتها لأنه ماشفتهم
أم أحمد وهي تناظر بزهرة وهي مارة من عند طاولة أم أحمد وأم علي وأم سلطان بعد ماقامت من عند
صاحباتها :شفتي البنية إلي توها مارة
أم سلطان وهي تناظر زهرة :إيه وشفيها
أم أحمد :هذي زهرة بنت أمل وهي الحين رايحة لطاولتهم إلي قاعدين فيها خالاتها وأمها
أم سلطان :أهااا
أم علي :صدقتي وأنتي تقولي عنهم جميلين إلي هي الحين تدرس
أم أحمد:أيه ماشاء الله عليها تدرس طب
أم سلطان :مو كنها هي إلي رقصت من شوي هي والبنات
أم أحمد :أيه هذي هي والي رقصت معاهم خواتها وبنت خالتهم وبنات خالهم
أم سلطان :ومن هم خواتها أكيد إلي يشبهوها الشقران والبيضان
أم أحمد :أيه هههههههه على قولتش الشقران والبيضان بس فيه ثنتين وحدة حنطيه هي الوحيدة إلي
لابسة تنورة منهم والثانية إلي لابسة فستان فيه أبيض وأزرق
أم علي :بس على علمي أنه بناتها بيضان
أم أحمد :لا الريم وريناد إلي طالعة على أمها العودة أما الريم إلي طالعة على خالتها مريم الله يرحمها
وعبدالله وباسل بعد سمران
أم أحمد :يالله أشوفكم على خير
أم سلطان : ليش وين رايحة
أم أحمد :والله أني ودي أقعد بس أني جاية مع أختي وتركتها قاعدة وحدها
أم علي :إنشاء الله الجايات أكثر
أم أحمد بابتسامة:إنشاء الله .يالله مع السلامة
يوم الخميس على الساعة 9 الصبح
كانت الريم قاعدة في الصالة وهي فاتحة الستاير الفخمة ومخلة أشعة الشمس تغزو بعض من أرجاء
البيت أو بالأحرى القصر وهي ماسكة كوب كافي ساخن وتابع مع ختها الصغيرة حور mbc3
إلي كانوا عارضين فيلم كرتوني باللغة الإنكليزية وهي مندمجة معه طبعا وهي جالسة على الأرض
الريم :حور تباعدي عن الشاشة وتعالي قعدي على الكنبة
حور بعناد :ماني
حطت الريم كوب الكوفي على الطاولة إلي جنبها وراحت شالت حور من مكانها وطبعاً حور تحاول تشيل
أيادي الريم من عليها وأكيد تصيح .أنبطحت الريم على الكنبة الطويلة إلي كانت جالسة عليها ومطحت
حور عليها لين خلتها تسكت وقاموا يتابعوا الفيلم والريم تلعب بشعر حور الطويل والي كان ناعم
ومترول من الأطراف والي لونه بني أشقر والي تحبه أكثر لين جت عليه أشعة الشمس وأطلع لونه
الذهبي
الساعة 9ونصف
في قصر أخر من قصور المنطقة
سعاد وهي قاعدة تناظر أولادها وهي سرحانة إلي كانوا يشاهدوا توم وجيري
:في إيش الحلو سرحان
سعاد :بسم الله الرحمن الرحيم من متى وأنت هني
:يمكن صار لي ساعة هههههههه وأنتي خبر خير مدري وين الله حاطك
سعاد :سلمانو تأدب أحد يقول لأمه هالكلام
سلمان بداخله :أول مرة أشوفها معصبة كده وقطع تفكيره أمه وهي تقول
سعاد :يالله الفطور جاهز روح نادي أخوتك وأبوك وتعالوا فطروا
سلمان :أنشاء الله يست الكل كم سعاد عندي أنا << وهو يتكلم بالبناني
ضحكت على هبال ولدها وهي متوجهة لقاعة الطعام
بعد خمس دقايق كان الكل موجود
حمد أبوعلي :إلى وينها أمي ماشفتها
سعاد :أيه لأنه هي قاعدة من أذان الفجر والساعة 7فطرت وقعدت شوي وراحة تنام إلى أذان الظهر
أبو علي :أهاا إلى أبوي راح المزرعة
سعاد :أيه يقول إنه المشتل بيجي اليوم .صحيح ليش ؟!
أبو علي :مشتري فسايل جديدة ويبغاهم يحطوها وينسقوا المزرعة عند البوابة
سعاد :أهااا إلى وش بتسوي اليوم بتروح الشر كة؟؟
أبو علي :أيه بروح أقعد مع أخوي شوي واشوف الشغل إلى في الشركة والفرع الثاني
سعاد:زين يعني ماتقدر اليوم تقعد هني ؟؟
أبو علي :ليش في شي
سعاد وهي تناظر أولادها المستغربين :لا بس أبغاك شوي بعد ما تخلص
أبو علي :الحمدلله ها وش بغيتي ناقصنكم حاجة ؟؟!
وقف علي هو مع أخوانه بيطلعوا من القاعة
سعاد :لا علي اقعد أنته وأخوانك .بعدها قامت وقالت لمحمد انه الأحسن يتكلموا في جناحهم الخاص
وقف محمد وركب محمد وهي كانت بعدها واقفة :لاحد يطلع من البيت لين ما أنزل
سلمان بطبعه الفظولي :تتوقعوا وش تبغى أمي من أبويي ؟؟
علي :ياخبر اليوم بفلوس بكرا ببلاش نلاقاه .وش حارق بصلتك أكيد بتعرف اليوم لو بكرا
سلمان :يشيخ روح .أنا مانا طالع اليوم إلى لما أعرف السالفة
تكلم كبرياء وهو يناظر علي إلي كان جالس قباله على طاولة الطعام :نستنى ونشوف صح علي ؟؟
عند محمد وسعاد في جناحهم
سعاد :عاجبنك الوضع ؟؟
محمد بهدوء :أي وضع ؟؟
سعاد :البنت كبرت وأنت ماشفتها لحد الحين وغير كده ماحد معتبرها بنتك
محمد:وش الي جايب هالموضوع فبالك ؟!
سعاد :مفكر أنه هالموضوع راح عن بالي أصلاً. يا محمد أنا كل يوم من خدوها لحد الحين أفكر فيها
وزيادة على كده أني شفتها وشفت كيف تغيرت
محمد بصدمة :يعني رحتي لهم ؟!
سعاد :لا .شفتها أمس في العرس الي رحته
محمد:بس أنتي ماقلتي بتروحي عرس يصير لهم
سعاد :أدري .أني أصلاً رحت من جهت أهل العروس لكن تفاجأت لما عرفت أنه هم هناك والمعرس يصير
ولد خالة مرت سالم
بس أني ماني جاية علشان نتناقش وين شفتها ووين ووين
تدري يامحمد أنه الكل يفكرها بنت حسن
محمد بعد ما قعد ونز ل راسه بين إيده :والحين وش المطلوب مني
سعاد والدموع تنزل من عيونها :وش المطلوب وش تقصد بإيش المطلوب .نسيت يامحمد مريم وش
كانت تقول لنا .نسيت
محمد :وصوته يرتفع : مانسيت والله العظيم مانسيت .بس ماقدر والله ماقدر
سعاد بصدمة :وش الي ماتقدر .ماتقدر اتشوفها يعني ..الكل يدري أصلا حالة مريم ماتقدر تتحمل
تجيب أولاد من قلبها الضعيف .الكل يدري يامحمد الكل يدري
كملت سعاد وهي تقعد على ركبها عند محمد :خلاص يامحمد أني أنسانة والأنسان عنده حدود للصبر
من يوم أنت عطيت البنت أمل بعد أيام العزى..قلت فترة وبتعدي وبعدها بجيبها لي أربيها ولا أمه
تربيها .أستنيت وأستنيت لكن مافي فايدة رحت أفاتحك بالموضوع بعد سبع شهور لكن فاجأتني يوم قلت
بنروح نسكن في الرياض ..وقفت سعاد وقامت تكمل :قلت لك والبنت قلت لي بتقعد عند خالتها وبعد
ماتكمل سنتين بناخدها علشان كل أنتهت فترة الرضاعة ولأيام تروح لين جت السنتين
يوم اتقولي أنه أحنا مابنرجع الشرقية سئلتك البنت من بيجيبها قمت تقول لي. تدري وش قلتلي
تذكر يوم اتقول لي أنه الريم ماراح أتشوفينها خلاص .ماراح أنشوفها لين مايكتب الله أنه انشوفها
إذا أنته نسيت ترى أني مانسيت .حرام والله حرام
سلمان بعد مارمى الرموت كنترول جنبه :ووووووف
كبرياء وهو يشيل الجريدة من الطاولة ويقعد يصفح فيها :وش فيك تأفف
سلمان :للحين مانزلـ(ماكمل كملته إلى هم داخلين الصالة ويجلسوا على الكنب الفخم )
طلع محمد جواله من جيبه وهو يدق رقم .بعد الرنة الثانية جاه صوته الجهوري :نعم
محمد :السلام عليكم يأبوه عبدالله
أبو عبدالله :وعليم السلام من معي
محمد وهو يناظر فيهم :أفاا ماعرفتني أنا أبوعلي أبو الريم <<شدد أبو علي على هالكلمة
أبو عـبدالله :أهلاً يبو علي وش هالغيبة الطويلة
أبو علي :مشاغل الدنيا ياخوك
أبو عبدالله :لو منتابع مشاغل الدنيا ومشاكلها ماراح نخلص ياخوك وثانياً على ما أظن أنه الدنيا ما تشغلنا
عن واجباتنا صح يابو علي؟؟
أبو علي : إيه والله.إلى يابو عبدالله حبيت أزورك إدا كنت فاظي
أبو عبدالله :والله مدري شقول لك أنا اليوم مشغول وبكره باسافر مع الأهل وما أدري متى أرجع
فإذا رجعت بتصل لك وبعلمك أن شاءالله
أبوعلي :على خير يالله مع السلامة
أبوعبدالله :حياك
أبو علي :آه
سعاد :سلامتك من الآه وش صار
أبوعلي :إذا فضى بيكلمني لانه اليوم هو مشغول وبكره بيسافر مع أهله ولايدري متى يرجع
سعاد :أها
سلمان :يبا
أبوعلي :هلا
سلمان :حبيت أدكرك أنه بكره بسافر معاهم
أبوعلي :إله منهو بيروح غير سلطان وعلي
سلمان :بس أنا
أبو علي :أها وكبرياء؟!
كبرياء :عندي شغل ما أقدر أروح
أبوعلي :أها الله يوفقكم
اليوم الثاني الساعة 12:00 الظهر في مطار الملك فهد بالمنطقة الشرقية
الريم:ماني مصدقة أني بسافر
غلا :ولا أني ولا وين
غلا وريناد والريم بصوت عالي :دبـــــــي
فاطمة :يالله ولا القرويين يسووا زيكم إلى يشوفكم ماتسافروا
الريم :هههههههه إيه والله
ريناد بحالمية :اتخيلوا واحنا نتمشى في مجمع من المجمعات يغمى علي
ويجي واحد يشيلني
الريم :قوة أبويي
ريناد وهي شوي ويغمى عليها من الخوف إنه أبوها سمعها
غلا والريم وفاطمة :هههههههههههه
ريناد :بتشوفوا لكن يالحمير
على كراسي الإنتظار
سلمان :شوفوا البنات كيف أشكالهم من الظحك
سلطان :وانت شعليك من الناس
سلمان :لا بس مدري احس كني اعرفهم
علي :لا لا ما اعتقد انهم من البنات الي رقمتهم
سلمان وهو متفاجأ :انا ياحيوان أرقم
علي وهو يضحك :أنا أدري عنك إنت ماتغازل ولاترقم من وين بتعرفهم
سلمان :ما أدري عندي إحساس آخ بس لو اعرف بنات من
سلطان :ولو عرفت إيش بتسوي
سلمان :نخطب لك وحده منهم
سلطان وهو يرفع راسه للبنات :ماشاء الله أي وحدة بتخطب لي منهم
سلمان :لأني كريم باخليك تختار
علي :هههههههههههه أقول سلمان ليش ماتشوف من معاهم
سلمان رفع راسه وقام يطالع هو و سلطان:من هذا
علي :ما ألومك إذا ماعرفته ألوم سلطان
سلطان :من قال إني ماعرفته "وهو يدورلعلي وهويبتسم "وهل يخفى القمر
سلمان :ماشاء الله تبارك شفت ياسلطان إذا أخوهم الكبير بهالجمال وهو الولد أجل هم كيف يكونوا
سلطان وعلي يدوروا لبعض وجلسوا يضحكوا ولاقدروا يسكتوا لدرجة انه عيونهم دمعت
سلمان :شايفين نكته وانا مدري
علي :تدري هذا منهو
سلمان :منهو
علي :هذا أبوهم
سلمان سكت شوي بعدين قال:رح ألعب على واحد غيري
سلطان:تدري أنه هذا حسن بوعبدالله
سلمان:أي أبوعبدالله
علي :أبو عبدالله التاجر وأبو قصدي مربي الريم
سلمان وهو فاتح فمه وعيونه :قول قسم
علي :أقسم بالله إنه هو
جت بنت تركض صغيرة آيه من الجمال بشعرها الطويل وبشرتها البيضة ودبدوبة شوي
كانت لابسة شباح جينز شورت للركب
مسكها سلمان :إيش إسمك ياحلوة؟؟
البنت:إسمي حور حسن .........<<اللقب مشفر
سلمان وهو يناظر علي وسلطان وهم مبتسمين بعدين جاعلي وسئلها:وين البابا
أشرت حور على أبوها وهو يكلم بالجوال
علي :جاية مع البابا لوحدك
حور :لا مع البابا والماما وحواتي
علي :زين وينه خواتك ؟؟
أشرت حور على ست بنات وولد زي القمر أما البنات مع أنهم مو متغطين مايبينوا مثل
الولد إلي كان قريب
جا صوت ناعم :حــــــــــــــور .حـــــــــور
ترك علي حور وراحت تركض للبنت إلي انصدم سلطان وعلي وحتى سلمان لما شافوها
سلمان :ماشاء الله الإنتاج شكله كله صواريخ
علي :وانت كله تخز في الناس
سلمان :الحين انت شفتها وشفت ختها وشفت اخوها إلي حتى وانت ماودك اطالع غصبا عن خشمك اطالع
علي :وانت إيش دراك إنه اخوها
سلمان:توها قايلة لك .صح شكله غير بس مااستغرب إنه اخوها
سلطان :صل على النبي لايصير فيهم شي وبعدين يالله نركب الطائرة من النداء الأول وانتم
حلقكم مااتسكر
في الطائرة
جلس أبو عبدالله وأم عبدالله عند النافدة أما البنات
زهرة وفاطمة ورا أبو عبدالله وأم عبدالله
أما باسل وباسلة وحور يمين أم عبدالله وأبوعبدالله
والريم وريناد وغلا يمين زهرة وفاطمة
وسلمان وسلطان وعلي ورا الريم وريناد وغلا .
الريم :أخ بس لو زهروا جت معانا هي وسارة
غلا :كان يصير فلة
ريناد :كان نلعب لعب زي روحتنا المدينة وسوريا
الريم :ههههههههه ديك المدينة ولعبنا فيها شعرور كيف دبي
غلا :مانخلي مكان مانروحه
ريناد : عادي أهم شي أحنا ثلاثتنا لأنه هم بدونه مايسوي زي إلي نسوي إذا كنا معاهم
غلا :صح ريمووو وش قلتي لسمرو إلي كانت معانا في المدينة
الريم :هههههه سكتي بغى قلبها يوقف يوم درت
ريناد :وش صاير
غلا :اتخيلي سمر عبد الكريم إلي صارت معانا في الطائرة ونفس الفندق في المدينة تذكريها ؟؟
ريناد :إيه كني
غلا :مفكرتنا بنات خالة
ريناد :إيه وبعدين
غلا :ما أدري سمعت من الآنسة وماكملت
ريناد :يالله كملي وش تستني
الريم :ههههههه أوكي .. قلت لها أصلا كلنا خوات وبنات خالتي وخيلاني بعدهم مايجو بيجو الأسبوع الجاي
وبعدها سئلتني أنتوا كم خت قلت ليها أحنا 8 بنات و3أولاد وتغبر شكلها وقامت تقول لي فردا ولا خلصى
قلت له خلصى
:كح كح كح
علي بهمس :ياحيوان اسكت فضحتنا
سلمان وتوى يتنفس عدل من بعد ماشرق بالماي :ماقدرت سمعت أنت وش قالت
علي :هههههه عادي يالقروي
سلطان :ماينلام أنتوا تنعدوا على الأصابع عمره ماتوقع فيه ناس بهالعدد ولا خلصى
علي :يالله البنات سكتوا شكلهم حسوا أنكم كنتم تسمعوهم
سلمان :والله الطائرة هدوء وصوتهم ينسمع وش أسوي ماعندي شغلة غير أسمعهم
..................
الريم :يالله سمعونا إلي ورانا
غلا :ماعليش وهمشي كملي وبعدين وش صار
الريم :المهم قلت لها إيه كلهم خلصى ماعداي انا ختهم بالرضاعة
ريناد :غريبة قلتي ليها أنتي العادة ماتقولي لأحد حتى أمي محدرتنش أتخيلي قالت لأمها وأمها طلعت تعرف عماتش لو وحدة من نسايبكم وقالت لهم وعرفوا إنش موجودة هني في السعودية وأمي ناوية تقول لأبوي أنه يقول لهم إنش في استراليا مع خالي عادل
لأنه أمي حاسة انش قريب بياخدوش منه
غلا بعصبية :رينادو ياحمارة بتشوفي لما أقول لأمي إنش قلتي ليها وهي محدرتنا إنه مانقول ليها
الريم :أصلا أدري سمعت من دون قصد وهي تقول لخالي بالتلفون وأصلا هو بينزل الأسبوع الجاي
علشان ياخدني معاه
غلا : أصلا مابياخدش لأنه أمي قالت بس بيقولوو لأبوش أنش في استراليا يعني بالعربي بيكذبوو
الريم :أصحي يماما أبوي ليش فتح لي حساب خاص فيني وحاط فيه خمسين ألف بس للشوبينغ وهالسوالف أتقضاها من هني من
بعد ماكنا كلنا في حساب واحد
غلا :عادي علشان يمكن كملتي 16 سنة وقريب بتكملي 17
وهو أصلا بيفتح لفاطمة حساب علشان كده فتح لش حساب وياها مرة وحدة
الريم :خلاص سكري الموضوع
..........................................
سلمان بصدمة :سمعتوا إلي سمعته
علي بابتسامة سخرية :أصلا كنت متوقع أنهم مايتنازلوا عنها بهالسهولة وش فاكر الناس يربوا ويتعبوا
بعدين يقولوا لينا اتفظلوا عليها
((طبعا سلمان وعلي وسلطان عرفوا الريم من لحظة مانادت حور في المطار لأنها تشبه أمها شبه
فينا اتقول عنه شبه كبير وهم ماعمرهم نسوها خصوصا سلطان وعلي لأنها شبه مربيتهم
ولأنها دايم يدكرونها من الصور الي ماعمرهم بينسوها ))
سلمان :الحين وش اسوي نعلم أبوي ؟؟
علي : ما أدري يمكن مانلحق يمكن يسفروها من هني وحنا ماندري موعد رجوعهم للسعودية
سلمان :انقول لهم بالتلفون
علي :أفهم ياسلمان الناس مايمكن يعطونا البنت بها السهولة
سلمان :بس هي بنتنا ونقدر ناخذها طيب أوغصب
علي :مدري مدري ماني عارف أفكر خصوصا بعد إلي صار في البيت وهني
غلا وهي تحاول تغير الجو المكهرب :أي وبعد إيش قالت لش ؟؟
الريم :أبد سألتني وين تدرسو قلت ليها ندرس في الخبر في مدارس الفيـ.....وعندي أخت تدرس في الفيصل طب
غلا :أهااا
وبعدها كل وحدة حطت الآي بود تسمع إلي يروق لها
..........................................
أتمنى القصة تعجبكم وأنتظر الردود وآراكم
وما راح أكملها إلى بعد ما أشوف آراكم فيها
إيش تتوقعوا راح يصير
1.هل سلمان وعلي راح يعلموا أبو علي بالي عرفوه
2.لما يعرف أبو علي بالي يصير
3. هل الكلام إلي قالته الريم صح أوخطأ
كل هذا راح نعرفه في البارت الثاني ولما أشوف آراآكم حول القصة
مع أعذب وأرق التحاية
أختكم *يكفي تذكروني*
قراءة ممتعة ^_^
|
سلطان زمانه <<روعة لا تفوتكم
العرض العادي
