يامن شراله من حلاله علّة

افهموني · 03-01-2008, 12:26 AM

عنوان الموضوع هو مثل مشهور عند أهل الخليج

وهذا المثل إنطبق علي تماما

السالفة ومافيها اني في يوم من الايام كنت جاي للبيت مع الأهل
وأول ماوصلت بالسيارة قرب باب البيت شاهدت عامل النظافة ينظف درج بيتنا ويجتهد في التنظيف

وكان هذا العامل عمره في الخمسينات وله لحية نصفها بيضاء ونصفهاء أسود

يعني مبين انه كبير بالسن

الرجل هذا كسر خاطري ومديت ي واعطيته المقسوم ودخلنا البيت

الى هنا وكل شيء تمام

لكن في اليوم الثاني ويوم جيت أطلع من البيت الصباح الا وأشوف العامل هذا ناط بخشته لي من صباح الله خير وجالس ينظف جنب البيت

أستغربت لأن قدام البيت أصلا نظيف ومايحتاج تنظيف

المهم ركبت سيارتي ومشيت وتركته

وأثناء ذهابي للعمل صرت أوسوس والشيطان صار يلعب بي

وقلت في خاطري ليكون هذا العامل يخطر على البيت أو يمكن رح يكلم الشغالة من وراء الباب وصرت أضرب وأطرح

بصراحه الشيطان صار يلعب بي ولفيت بالسيارة ورجعت للبيت أشيك على العامل هل مازال جنب البيت والا مشى؟
وعندما رجعت لم أجد العامل ولكنني لازلت خائف منه لذلك أضطريت أني أفتح باب المنزل وأشيك على أهلي
وقلت في خاطري ليكون خطر أو كسرالباب

لكن الحمد لله دخلت البيت ووجدت الكل نائم والحمد لله كل شيء تمام

لكن المفاجئة يوم جيت أطلع الا وأشوفه قدام لبيت مرة ثانية جالس يكنس!

أستغربت وفلت الحين توه منظف الصباح وش اللي خلاه يرجع ينظف مرة ثانية؟

ركبت سيارتي وماكلمته ورحت للعمل ونا الله وكيلكم على مليلة

هاجوس يوديني وهاجوس يجذبني

المهم هذا الوضع تكرر عدة أيام

وصار العامل هذا كل مايشوفني مقبل بالسيارة يجي مسع ويسوي نفسه يكنس بالمكنسة في وجه بابنا وهو داق ذيك الابتسامة اللي ماحلاها ربي
يشبه ابراهيم الصلال يومه يقص قصة الساحر الجبار في مسلسل الاقدار

سولفت على أهلي بهذه السالفة
ثمن قالت لي الوالده هذا ياوليدي طامعن في أنك تعطيه فلوس مرة ثانية

قلت للوالده أجل هذا رجل طماع وجشع لابد أن أزجره عن هذا التصرف
ولابد أن أجعله يترك هذا التصف الأبله الغبي

لكن الوالده قالت لا تكفى ياوليدي لاتصرخ عليه ترى بعدين يسوي لنا شي والا يخطر علينا وانت مش موجود

قلت في خاطري لاحول ولاقوة الا بالله وش هالبليّه اللي الله قطني فيها

المهم الغبي هذا الحين صرت أنا أنحاش عنه وأستخبى كل ماشفته من بعيد صرت أخذ لي لفه الين أشوفه ر بعد عن البيت

يبتعد ثم البق السيارة بسرررعة وأدخل البيت قبل مايشوفني

الحيوان حس بهذا الشي!! تعرفون أيش سوى؟

وصار يختبىء واذا جيت البق السيارة يفاجئني بأنه يجي بسرعة ويسوي نفسه ينظف وكل هذا من أجل أني أعطيه فلوس

وكل مرة اركب أهلي معي بالسيارة القاه ناط بوجهي من بعيد وكأنه يراقبني

:

المهم مالكم بالطويله الرجال ما قطع اليأس

عاد انا ماني قليل شر

ونويت أني أتنهزره وألعن خامسه لكن فكرت وقلت في خاطري

يمكن أنه ينتقم ويخطر على البيت ويسوي مشكلة أو حاجة من ذالقبيل

ولذلك أستبعدت أني أتواجه معه

لأن هاذولا النوعيات ترى عقلياتهم صغيره

وخايف أشتكي عليه وأيضا يعرف أني انا اللي اشتكيت وينتقم مني

عاد بعد هذا الموقف طرى على بالي المثل اللي يقول يامن شرا له من حلاله عله

فعلا ياليتني ما عطيته فلوس ذيك اليوم والله اني كنت مرتاح من وجهه

طلع الرجال لزقة أمريكية الصنع ماتفك بسهولة

المهم....

بالله عليكم وش الدبره مع هذ الشخص وشلون أتصرف معاه

بحر العرب 1427 · 03-01-2008, 07:11 AM

ههههههههههههههههههههههههههههههههههههههه

فعلا نشبه

الحل

التطنيش سلاح من لا سلاح له

تحياتي

محبك

بحر العرب

عنتر شايل سيفه · 03-01-2008, 08:07 AM

خخخخخخخخخخخخخ

والله اني فطست عليك من الضحك ياخوي

لكن اذا جيت للجد انت السبب

مين قال لك تعطيه وجه من البدايه؟

هذولا البنغاليين ما ينعطون وجه

وهذا العامل اللي ينظف الحي تبعكم ترك الشغل وصار يداوم عند بيتكم يافهموني هههههههههههههههههههه

لكن ما اتوقع انه يشكل أي خطورة على مرماكم قصدي بيتكم

معليش آسف بس الموضوع عن جد بيضحك كثيييير

وانا شخصيا لا أتمنى أن أكون في مثل موقفك هذا أبدا أبدا

كل الود

أخوك ...عنتر

مجنونةوتجنن · 03-01-2008, 08:19 AM

خخخخخخخخخخخخخخ

يالله لا تبلانا

الله يعينك

ا لجوا ل · 03-01-2008, 09:30 AM

اجل مبتلش

الله يعينك

الحل وانا اخوك شف الجهه اللي هو يعمل لحسابها
ورح لهم وخلهم ينقلونه من الموقع اللي هو فيه لمحل ثاني وهنا تنحل المشكله ,,,

بس هاه لا عاد تتعود تصير كريم مع هالاشخاص

روووووعه · 03-01-2008, 01:55 PM

ههههههههههههههههههههه

الله يعينك

				جميع الحقوق محفوظة لمنتديات المنطقة الشرقية