|*¨®¨*| رسيس الحب |*¨®¨*|

رسيس الحب يا سبة رسيسه=ربوع الناي يا حفلة خميسـه
هوى غيرك معي خلب وتسالي=يعيشون الوهم عيشة تعيسـه
عساهم للسـدم ولا البراحـي=عليهم لعنة الحرب ووطيسـه
حياتي .. ما علينا من هواهم=تعالي في خفوقي يـا نفيسـه
تعالي فـي زوايـا اللازوايـا=يموت الكون دامك لي ونيسـه
ابي روحك تسافر في فضايـا=وكلك في قفص صدري حبيسه
انا دون اللواعج في خفوقـك=نذر عمري ولا لحظة دميسـه
مدام انك وسط قلبـي حليلـة=سنتنا كاملة لو هـي كبيسـه
دخيلـك لا تعديـن الليـالـي=هوانا ما رضخ للـي يقيسـه
على وضح النقا ربط الروابـط=على السنة مهو وسط الكنيسه
ولالك في غراب البين حاجـة=مصيره جيفة(ن) ولا فريسـه
مـدام انـي احبـك يالحبيبـه=حياتي لك عن الدنيـا لبيسـه
اضيع بعالم الحـب وفضـاءه=اذا جا الليل وانتي لي جليسـه
مكنك غير بـدرٍ فـي زفافـه=تشبث في طرف مشلح عريسه
ألا يا فرحتي بـك ياربوعـي=وألا يافرحة الليـل بخميسـه

رسيس = ثبات
خلب = خداع
سدم = حب يتبعه ندم
برح = شدة واذى