" اسكزوزمي.......آي وينت 2 همبرغر روح برة"

راعي البعارين · 04-03-2008, 11:00 AM

لا عاد تناهيد من جدك انتي؟؟؟

فيه وحده تقول "آي وونت 2 هامبورجر روح برا"

أوكيه excusme ممكن أحد يقولها كذا " اسكزوزمي" عادي

بس روح برا هذي لحالها

هالسواقين لعبوا بعقول البنيات

هاااااجر · 04-03-2008, 06:46 PM

اقتباس:

المشاركة الأصلية كتبت بواسطة افهموني

طرح موفق اخت تناهيد

فعلا بعض البنات يسمون الورد >>روووز

ويسمون الزهور>> فلاورز

ويسمون الكبير>>> لارج

والصغير>> سموووول

والكبير جدا >>أكس أكس لارج

فعلا البنات هالايام طايرين في العجة:d

عقولهم أصبحت في مهب الريح

مثل القشور الخفيفة تطير مع أقل نسمة هوا

تقليد أعمى لما يبث من ملابس خالعة في المسلسلات

كذلك تقليد أعمى في السلوك لبعض الفنانات

وحتى في عمل المكياج أصبحوا يقلدون الفنانات بشكل غبي

يعني خط الحواجب وأحمر الشفاه

بصراحه وضع بنات اليوم لايبشر بخير أبدا

والقادم مذهل

اما ترديد العبارات الانكليزية مع شوية عربي بمناسبة أو بدون مناسبة

فأنا أعتبره نقص مركب في البنت التي تعمل هذا الشي

شفيك داخل هجوم على البنات

تصرفات البنت راجعه لتربية وثقافة اسرتها لها
يعني اللوم يكون على اسرتها قبل ما يكون عليها
-------------------------
خلاص انتوا علمو عيالكم اللغه العربيه عدل
وهم بعد علموهم اللغه الانجليزيه عدل
وقولوا لهم يا تتكلمون هذي اوذيك
وممنوع الخلط ما بينهم بتاتا

ولاتسمون الحاسب الالي كمبيوتر
و الفاره موس
والمحمول لابتوب
والمكياج ميك اب < الحين المكياج كلمه عربيه والا مستورده <اتوقع مستورده

الااذا تكلمتوا انجليزي

وعلموهم الاتيكت على اصوله عشان ما يفهمونه غلط

تدرون مشكلة كثير من الناس الفهم الغلط مدري المغلوط

وعاش الشعب السعودي المتطور

طوفان · 04-03-2008, 06:49 PM

المشكلة مو الناس العاديين
انتي لو تشوفين مقابلة للمحسوبين علينا مثقفين
وشلون يتكلمون كلمة ونص عربي ويحشر معها انجليزي
عشان يثبت انه مثقف ,,
لا والالعن انه يجيب كلمة انجليزي ويقعد يفكر
وش يرادفها العربي صراحة شي يرفع الظغط

عموماَ
من كثير الجنسيات الموجوده في المحلات والمطاعم
صرنا نتفاهم معاهم بلسان اعوج
كل الشكر لك

جرو · 04-03-2008, 09:37 PM

المشكله إن مافيه مشكله

تـــنــاهــــيد · 04-04-2008, 06:34 PM

راعي البعارين

لاحظ انها قالت

آي وينت i went

مو i want

وروح برة يقولونها وفي

اخس من كذا يمكن بعد

وياأخت هاجر

احنا مو معترضين على

ماوس ولابتوب وكمبيوتر

احنا نناقش ونتكلم عن ناس ماخذين ان اللغة الأنجليزية

وتداخل اللغات هو نوع من التطور والأتيكيت

الا الكلمات اللي ذكرتيها ماشوف ذكرها غلط

لعلمك انا سميت اللاب توب بهالأسم

بعدين عرفت انه جهاز محمول

والكمبيوتر

اسهل نطق من الحاسب الآلي

لكن انتقادي لاستخدام كلمات انجليزية مالها داع

يعني لو قلتها بالعربي احسن

تحياتي لك ولمداخلتك الطيبة

والشكر لكل من رد عالموضوع

zaid_eagle · 04-25-2008, 08:00 PM

مشكوره على الموضوع الرائع والمميز ..
وفعلاً هاي الايام كثير الكثير والكلام مايقتصر على البنات بس ..
التقليد الاعمى واستخدام مصطلحات انكليزيه وهذا الشي بيأثر على
لغتنا العربيه وعلى عاداتنا وتقاليدنا واتفق مع افهموني ..
القادم مذهل واشكرك وتقبلي مروري ..

				جميع الحقوق محفوظة لمنتديات المنطقة الشرقية