الفتاه لم تتزوج بعد؟

روعة الرياض · 04-19-2008, 09:28 PM

بسم الله الرحمن الرحيم

السلام عليكم ورحمة الله وبركاته

موضوعنا عن الفتيات العازبات اللاتي لم يتزوجن لماذا؟

هل للجمال دور ؟

هل للأخلاق دور ؟

هل للعلاقات دور ؟

هل لإسمها و اسم عائلتها دور ؟

أم ماذا ما السبب الحقيقي لذلك؟

عندما يفوت قطار العمر على تلك الفتاه , وهي تنتظر بحزن بلهفه ترى صديقاتها أصبحوا أمهات وهي لا ؟

موضوع نفتح باب النقاش فيه لأنه يمس مجتمعنا بصوره مباشرة , وانتشار العنوسه بشكل كبير فيه

هل نقول أن أحد الحلول التعدد ؟ ممكن

هل نقول أن عدم زواجها سبب لإنحرافها لاشباع رغبات تفتقدها مثل العواطف....,.........,.........,............,..... ..الخ

إذا ما الحلول ؟

تحياتي

لغز1 · 04-20-2008, 05:12 AM

انا لن افيدك بشي لاني ارفض الزواج اتمنى ان يفيدك غيري وتجدين اجابات
شكرا لك عزيزتي

على نياته · 04-20-2008, 06:30 AM

اخـت لغـزٍ لمـاذا ترفضيـن الزواج ؟؟!!؟؟

هنـا الكــلام .. قــد تكون بعض الفتيـات لاتريـد ان تتزوج أو تكون لديهـا أحلام في فارس أحلامها (( فوق الخيال ))

يعني بتجلـس طول عمرهـا في بيت أهلها وهـي ماتزوجـت ولا جـاها هالفـارٍس ولا شافت حتى حصانه

اقتباس:

هل للجمال دور ؟

لا الجمال جمـال الروح .. والبنت لو كانت أطباعها واخلاقها طيبه وسمعتها وسمعت اهلها طيبة .. راح تغطي على شكلهـا .

اقتباس:

هل للأخلاق دور ؟

أكيـــد وهــذة أهـم صفـات الزوجـة أن تكون على دين وخلـق .. واذا لم تكن ترتسم بهذة الصفة فلا خير فيهـا .

اقتباس:

هل للعلاقات دور ؟

اكيـدين !! قد تكون البنت تنتظر ان يتقدم لها حبيب القلب .. مع أنه يمكن مافتح معاها موضوع الزواج والأرتباط .. وهي نفس الشي .. شلون تتوقعين انه يتقدم لـك !!؟؟ وانتي وهـو ساكتين عن هالموضوع !!

اقتباس:

هل لإسمها و اسم عائلتها دور

؟

لا طبعـاٌ .. وش دخل أسمها في الزواج .. والله لو كان أسمهـا (( سكروب )) وأخلاقها وسمعتها وسمعت اهلها طيبـة .. ماراح يأثر شي .. لكن هذا السؤال المفروض يوجهه للرجال لأن بعض الأسر تريـد فلان ابن فلان الفلاني (( مدير بنك أو رئيس دولـة ))

وتخلي بنتها عنـدها الين مايجيها سكرتير مكتب العريس ويتقدم بالخطبة !!

اقتباس:

أم ماذا ما السبب الحقيقي لذلك؟

السبب الحقيقي قـد يكون فـي أهل البنت أو فيها هـي !! يعني معروف عن هذة الاسرة لايزوجون الـى مدراء الأعمال والتجار .. هل تتوقعين بيتقدم لها واحـد على قد حالـه ؟؟

بيقول الرجال لية افشل عمري وافشل اهلي واروح اتقدم لها

وفي أسباب كثيرٍة مثل : السمعة الله بالخير .. الأم والابو مايدرون وين الله قاطهم !! وأسباب كثيرة معروفـة لااحب اتكلم فيها على شان ماأطيل !!

اقتباس:

عندما يفوت قطار العمر على تلك الفتاه , وهي تنتظر بحزن بلهفه ترى صديقاتها أصبحوا أمهات وهي لا ؟

يمدحون الخطـابات هالأيـام .. وثاني شي مافيها عيب لو الأهل خطبو لبنتهم .. يقول لـك المثل : أخطب لبنتك ولا تخطب لولـدك

بس الناس هالأيام تخاف من الكلام مع أنه مافيها شي . لأن البنت هـي الأولـا في الستر والزواج ستر لهـا ويحفظها عن اللعب !!

اقتباس:

هل نقول أن أحد الحلول التعدد ؟ ممكن

لا مو معـاك في التعـدد .. زوجـه وحـده ومسؤليتها كبيره شلون لو بحط لـي ثنتين او ثلاث وش بسوي بنفسي أقطع نفسي

الي يقدر يتزوج ثنتين وثلاث الله يوفقة ويسعدة الشرع محلل له أربـع .. بس بيتزوج ويهمل الزوجة الأولـى او الثانية ويخلي أهتمامه بالزوجة الجديدة .. حرام علية يظلم بنات الناس معـاهـ !! اهم شي العـدل والمساواة ..

اقتباس:

هل نقول أن عدم زواجها سبب لإنحرافها لاشباع رغبات تفتقدها مثل العواطف....,.........,.........,............,..... ..الخ

هذا السبب الرئيسي في عدم رغبة البنت في الزواج .. لأنها عندها غير الزوج يعطف عليها ويلبي رغباتها ويرضي غرورهـا !!

وش تبي في واحـد يربطها معها ويعل كبدها في طلباته وخدمتها لـه !! ويقول لها لاتسوين كذا ولا تسوين كذا !!

وفي سبب أخر : تحس انها مو قـد المسئوليـة ولا تريد ان تتزوج على شان لاتتطلق

وسبب أخر : متعقـدة من الزواج لأنها عاشت في جو كله مشاكل او تسمع مشاكل كثيرة بين المتزوجين وخايفة أنها تمر في هالتجارب .. لكن الحياة الزوجية اذا أنبنت على التفاهم ومل واحد فيهم يلبي طلبات الأخر كـان ماتصير مشاكل ولابد من التنازل عن شي لرضى الطرف الاخر .. يعني مايصير عنـاد وكل واحد فيهم يهين الثاني وكل واحد يبغـى يمشي كلامة .. اساس نجاح الزواج (( التفاهم والحوار ))

اقتباس:

إذا ما الحلول ؟

قلت لـك الحلول بشكل موجز وسريع

واتمنى اني وفقت في ايجاد الحلول ..

(( أخطب لبنتك ولا تخطب لولـدك ))

تحياتي لـــاـجميــــع

الوجـه الطـفولي · 04-20-2008, 07:04 AM

هههههههههههههههههههههههههههههههههههههههه
ههههههههههههههههههههههههههههههههههههههههههه
على نياته

الله يسعدك
مت ضحك حتى لو اسمها ((سكروب))

سنترال الحب · 04-20-2008, 09:38 AM

سكرووب بس اهم شي الاخلاق

تصدقون تعقدت من اسم_ زواج_

كنت ولازلت اسمع زوجات اخواني يتكلمون عن مشاكل اخواتهم وقريباتهم اللي مطلقه واللي مسحوره ...

الله يجيرنا وياكم

وقالت لي وحده منهم بأسلوب نرفزه

يا_سنترال_ ان تزوجتي تراك انتي ))....((!!

واختي اللي متزوجه أيدت بكلمتها

تفاجأت من اسلوبهم لها الدرجه الزواج ينكد وحمل ثقيل على الطرفين؟؟

لاتحرجوني وتسألوني عن الكلمه بصراحه جرحتني واحرجتني

تصدقون عمري مافكرت فهالزواج الالما شفت وسمعت وبديت اتعقققد منه

‏<‏_>

مثال : وحده من صحباتي متزوجه وعندها بنت
وفكرتها مبسووطه بس للأسف كانت متضايقه وطلعت لي كل اللي بقلبها ...مشاكل وضرب ومدري ايش بسبة اهله

اما انا وصلت معي وفهمتها انها
تروح عند اهلها وماتطلع معه الا بشقه او بيت وخل اهله ينفعونه هي تزوجته والااهله ؟؟
مع انها ماتقصر معاهم بس الله المستعان مافي عقول

آآسفه نرفزتكم وجبت العيد وكل شي بس للأسف البنت تحلم بواحد طيب وتطيح بواحد ماعنده ضمير يسمع كلام الناس ويكذب زوجته
ويطلع عضلاته عليها داخلين حرب مو زواج ومسوي فيها رجال والكلمه كلمته

نادر مانلقى زوج طيب ومتفهم نااادر

والله اني جبت العيد

خلاص هذاني طالعه

تحياتي

بنت حائل · 04-20-2008, 12:36 PM

أنا وحده متعقده ومكتئبة من الزواج ومشاكله

كله من المتزوجات عقدونا لمن عفناه

لو بكيفي كان ماتزوجت ابد

روعة ... شكلك أكتئبتي من ردودنا

تسلمين على الموضوع يالغلا

				جميع الحقوق محفوظة لمنتديات المنطقة الشرقية