سوء التصرف وقلة الأحترام في الأماكن العامة...ايش سبب انتشارها ؟؟

تـــنــاهــــيد · 05-04-2008, 02:56 PM

مين فينا ماتعرض لموقف محرج وهو برة البيت

مين ماصادف قلة احترام من البعض

وسوء التصرف من الغير وخاصة في الأماكن العامة

واللي تصادف فيها فئة كبيرة من

ناس و اصناف واشكال ماتعرف معنى الأحترام من صغير وكبير

مثلا كنت واقفة عند كاشيير بسوبرماركت انتظر احاسب وانتظر بصف وقدامي ناس

وخلفي ناس ينتظرون وكلن ماسك دوره جا ولد يجي تقريبا عمره 14 سنة ومفروض

يكون واعي وفاهم ومتأدب جا واخذ مكاني ودخل من جنبي وسبقني قلتله لو سمحت

هذا دوري انا واقفة لي 10 دقايق انتظر احاسب ممكن ترجع بالصف راح التفت علي

يخزني لا وقاللي اقول كلي تبن .... رديت عليه بعصبية عفوا.....ولو سمحت

ارجع بصفك وانتظر حالك حالنا راح قلي اقول أسكتي ياxxxx....انقهرت منه ومن كثر

مانقهرت الدم احتقن بوجهي من العصبية والأحراج والله بغيت اصفقه كف على وجهه

قلت الحين وانا ماسويتله شي أكلني تبن وامطرني بخيرات الكلام

فاسكت احسن لي

ومن القهر اللي فيني نزلت دمعة من عيني غصب عني وكان وراي واحد أجنبي

حس

اني معصبة وانتبه للموقف مع انه شكله مافهم ولاكلمة

لكن حاول يهديني من المنظر

اللي شافني عليه ويقولي تيكت ايزي نو بربلم..هي از ان ريسبكتفل تشايلد...ودونت

وري ... مسكين والله حن علي

ومرة كنا بمحل انا واختي دخل واحد مادري من وين جاي دخل المحل وواقف بمكانه ويدخن

زقارة

ريحتها تجيب المرض وزي اللي يبي احد يخدمه مادري من شايف نفسه البرينس

المهم كنت انا واختي نتفاهم مع اللي بالمحل

عن غرض بشتريه وهو كنه قاعد بديوانية

ينادي من بعيد وكل من التفت عليه

ومو متنزل حتى يقرب ويسال زي العالم ويقول لراعي

المحل...هييي

انت شوفلنا المرة ايش تبي؟؟ >>> يقصد زوجته

قاعد بمحل راقي وبرستيج وذوق

انت هيييييي شوفلنا المرةولبناني عاد ماعنده هالأسلوب

وتعرفون الهدوء اللي بشباب لبنان قام قله ياخيي شو بده المرة

تحكي هيي وانا بطلعلها

اللي بدده ....قاله خل اللي عندك وتعال يقصدنا أنا واختي انه يبيه يطنشنا ويجي يخدمه

قمنا انا واختي نطالع ببعض هذا صاحي ولامجنون... الأخ حضرته جاي يبي راعي المحل

يطقم لزوجته ويطلعلها ملابس على ذوقه ويقوله اترك اللي عندك وتعال

قام اللبناني عجبني رده قاله ياخيي اطلع برة المحل

لأن دخانك قوي كثير وريحته

بتلزق بملابسنا

خله الكل يضحك عليه ويستاهل ماجاه

المواقف كثيرة وهذا اتفه مثالين تعرضت لهم

لكن مهما كانت درجة بساطتهم يسمون

قلة احترام اللي يتعرضك

... ياخذ مكانك ويقلل احترامه معاك

بسب وشتيمة وفيها قذف

محصنات

لان بعضهم يسبون بالشرف طب ليه اذا انت مااحترمت نفسك تبي الناس ترد

عليك بطيب واحترام ليه هالظاهرة منتشرة

وهل هي من التربية والتعود او نوع من ابراز

الشخصية للناس

أترك لكم بقية التعليق

ودمتم بود

تــنآآآهــيد

روحي بروحك · 05-04-2008, 05:01 PM

موضوعك حلوووو كثير

مواقف كثيرة تحصل لكن حمد لله ماحصل لي ولا

موقف احمدك يارب

المهم يمكن يرجع السبب الى التربية احيانا

يكون الاب او الام هم السبب

فتلقين انه الام او الاب يسبون ابنائهم

مثلا لما ينادي الاب ولده يقوله تعال يا***** انت صمخ

ماتسمع

او احيانا ممكن يكتسبوا هذي الصفة من اصحابهم

لانهم يعتبروها قوة شخصية

تقبلي مروري اختك:روحي بروحك

لاتنساني · 05-05-2008, 03:02 AM

مرحبا تناهيد ... كيف الحال ...؟؟
تناهيد انتي شكلك حساسة مره....؟؟
يأختي ياتناهيد...انتي برا بيتك يعني توقعي اللا متوقع ....؟؟
فيه الخبل وفيه البزر وفيه السكران وفيه قليل الادب...وفيه قليل المرؤة....؟؟
وفيه ... وفيه....؟
والناس اشكال والوان ...؟؟
صحيح انو هذه النوعيات من الناس كثير.. مثل ماقال محمد هنيدي(بلى في شكلكو ..مليتو البلد)....؟؟
بس انتي لازم تعرفين كيف تتعاملين مع هيك نوعيات ...؟؟
وهذا هو مجتمعك ولازم ( والله الولد ملزم مررره)....؟؟
لازم انك تتكيفين معه ....؟؟
والفرق في التكييف مايحتاج اشرحه لك فيه فرق بين الوندو اللي مافيه فريون ..طبعاُ راعيه قرفان وماراح يكون مبسوط وبين المكيف المركزي اللي راعية متمدد في الصاله ويسمع لاصالة وماعليه من احد ...؟؟
او بمعنى اصح ..لازم تنزل( وهذا من حق مجتمعك عليك)لازم تنزل شوي لهم عشان تعرف تتفاهم معهم....!!
بس المشكلة اللي دا تواجه الخيرين من امتنا >>رحمك الله ياصدام...
انو بعد صعب انك تربي عيال خلق الله...!!
( وهذه اكبر معاناة عندي)
وللناس في تربية اولادهم مذاهب( حقوق الطبع محفوظة@2008)
اما انا عن نفسي كل يوم تقريباً امر بمواقف زي كذا ...؟؟
من اول ماركب سيارتي واقرا( الله اكبر الله اكبر الله أكبر سبحان الذي سخرنا لنا هذا وماكنا له مقرنين)
واقضب الشارع بس ....؟؟
واحد يطلع لك مدري منين ويأشر لك بأصبعة...!! ( الله اكبر)
وواحد يطلع ايدينه ورجلينه من الدريشة من كثر ماهو معصب عليك...؟؟(الله اكبر )
وواحد يطلع العجرا ويقول : اصفط قدام كانك رجال ...؟؟( الله اكبر )
وهوشة هنا وهوشة هناك واعوذ بالله ....؟؟
احس ان الوضع متأزم مررره...؟؟
فلتان اجتماعي غير مسبوق.....!!
مادري هل ضعف الوازع الديني<< اموت بس اعرف وش معنى كلمة وازع....!!
بس احس ان ضعف الوازع هذي لها علاقة طردية بتوزيع الدخل ....والله اعلم ...؟؟
عموماُ انت وسع خاطرك وفلها وربك يحلها ...؟؟
وتقبل فائق احترامي لاغلب ماتكتب...!!

the_one · 05-05-2008, 08:57 AM

التربيه ثم التربيه ثم التربيه

أين الأهل

الأب في وادي

والأم في وادي

والأبناء إنحلال أخلاقي وديني

مخدرات

سرقات

وغيرها الكثير

ومن أمن العقاب أساء الأدب

الـجـود · 05-05-2008, 09:12 AM

وكان وراي واحد أجنبي حس

اني معصبة وانتبه للموقف مع انه شكله مافهم ولاكلمة لكن حاول يهديني من المنظر

اللي شافني عليه ويقولي تيكت ايزي نو بربلم..هي از ان ريسبكتفل تشايلد...ودونت

وري ... مسكين والله حن علي

دايما تحسين الاجانب عندهم ذوق واحترام مو مثل الي عندنا ودايم انا اردد هالمقولة مانقصهم الا الدين

وتعرفون الهدوء اللي بشباب لبنان قام قله ياخيي شو بده المرة

ياعيني على البناني اتمنى شبابنا ياخذون شوية من ذوقهم

تناهيد تراك بتتعبين من هالاشكال احسن حل التطنيش ثم التطنيش

هم متربين كذا بعد هالعمر تبغينهم ينصلحون

هيهات

موضوع رائع تسلمين

تقبلي مروري

** راااان ** · 05-05-2008, 09:46 AM

مـواقف كثيـرة .. حصلت معي .

بس ماأحب أتذكرها .. ولا أذكرها ..

أتوقع .. إن سببها .. التربية ..

أو الأصدقاء

..

أو الشارع

..

طبعا لا يهون التلفزيون وقنواته

..

والله تلقين الأب والأم يتعبون ويتربون ..

وأول ماتسجلين أولادك بالمدرسة .. يبدأوا يتعلموا السب .. والشتم .. والقذف .. من الطلاب الباقين ( هـذي بالنسبة للي يتعبون بتربية أولادهم ) ..

مشكوووووووووورة تناهـيد ع الموضوع

...

تح ــــــــــــياتي ..

‘’ رااااااان ‘’

				جميع الحقوق محفوظة لمنتديات المنطقة الشرقية